በሕገወጥ መንገድ ከ15 ዓመት በታች የሆኑ ዘጠኝ ሕፃናትን ስታዘዋውር የነበረች ተጠርጣሪ በቁጥጥር ሥር ዋለች

​በማዕከላዊ ኢትዮጵያ ክልል ከጠምባሮ ልዩ ወረዳ ወደ ወልቂጤ ከተማ ከ15 ዓመት በታች የሆኑ ዘጠኝ ህፃናትን በሕገወጥ መንገድ በቤት ሠራተኝነት ለማስቀጠር ስታዘዋውር የነበረች ግለሰብ በፖሊስ ቁጥጥር ሥር ውላለች ሲል ፖሊስ ገልፇል። ​አብዛኞቹ ቤተሰቦች በድህነት ምክንያት ልጆቻቸው ቤተሰቡን እንዲደግፉ በማሰብ ለተጠርጣሪዋ የሰጧቸው ቢሆንም፣ ዕድሜያቸው ከ18 ዓመት በታች በመሆኑ ከትምህርት ገበታ ተነጥለው ለሥራ መዘጋጀታቸው ሕገወጥ ነው ተብሏል። ​ፖሊስ ተጠርጣሪዋን ለጠምባሮ ልዩ ወረዳ ፖሊስ ያስረከበ ሲሆን፣ ምርመራ እየተካሄደ ይገኛል። ​ሕፃናቱ ወደ ቤተሰቦቻቸው ተመልሰዋል የተባለ ሲሆን  ወደ ትምህርት ገበታቸውም እንዲቀላቀሉ መደረጉም ተገልፇል።