«በአማራ ክልል በሃይቅ ጃሪ የተፈናቃዮች ካምፕ ላይ በደረሰ የድሮን ጥቃት 18 ሰዎች መገደላቸውን እና ካምፑ መበተኑን ተከተሎ ነዋሪዎች እየሸሹ መሆኑ ተገለጸ»

​በአማራ ክልል በሚገኘው የሃይቅ ጃሪ 2 የተፈናቃዮች ካምፕ ላይ ባለፈው ጥቅምት 19 ቀን 2019 ዓ.ም በተፈጸመ አጥፊ የድሮን ጥቃት ቢያንስ 18 ንጹሐን ዜጎች ሕይወታቸው ማለፉ እና 22 ሰዎች መቁሰላቸው ተመላክቷል። ​ከጥቃቱ የተረፉ ነዋሪዎች እንደገለጹት፤ በቦታው ላይ የነበሩ የድጋፍ ማዕከላት፣ ትምህርት ቤቶች እና የንግድ እንቅስቃሴዎች ሙሉ በሙሉ መዘጋታቸውን ተከትሎ፣ ፍርሃት የነገሠበት የካምፑ ማኅበረሰብ ያለ ምንም የተደራጀ እቅድ አካባቢውን ለቀው በመውጣት ላይ ይገኛሉ። ​ከተጎጂዎቹ መካከል ሦስት ነፍሰ ጡር ሴቶች እና ሕፃናት የሚገኙ ሲሆን፤ ለየብቻ ለመቅበር ቦታ በመታጣቱ ቢያንስ 15 ሰዎች በአንድ መቃብር ውስጥ በአንድነት መቀበራቸው ከፍተኛ ጸጸት እና ድንጋጤ የፈጠረ ክስተት መሆኑ ተገልጿል። ​ከዓመታት በፊት ከቄለም እና ከምሥራቅ ወለጋ ኪራሙ አካባቢዎች ተፈናቅለው በካምፑ ውስጥ ተጠልለው የነበሩት እነዚህ ዜጎች፤ አሁን ላይ ዘላቂ የመመለሻ ሰላም ባለመኖሩ እና ተጨማሪ ድጋፎች በመቋረጣቸው ወደ የት መሄድ እንዳለባቸው ግራ እንደተጋቡ አመላክተዋል። ​@Seledadotio