"አዲስ የባህር ፈንጂ የሚጥል ማንኛውም መርከብ ወዲያውኑ ይደመሰሳል" — ዶናልድ ትራምፕ ለኢራን ጠንካራ ማስጠንቀቂያ አስተላለፉ

የአሜሪካ ፕሬዝዳንት ዶናልድ ትራምፕ በሆርሙዝ ሰርጥ ዓለም አቀፍ የባህር ክልል ውስጥ የተቀበሩ የባህር ፈንጂዎች (mines) በሙሉ በአሜሪካ የባህር ኃይል መወገዳቸውን እና መኮላሸታቸውን ገልጸዋል።   ትራምፕ በማህበራዊ ሚዲያ ገጻቸው ባስተላለፉት ጠንካራ መልእክት፣ ኢራን አዲስ የባህር ፈንጂዎችን ለማስቀመጥ የምትሞክር ከሆነ ማንኛውም መርከብ ወይም የውሃ ላይ ጀልባ ወዲያውኑ እና በተደራጀ ሁኔታ ሙሉ በሙሉ እንደሚደመሰስ ማስጠንቀቂያ ተሰጥቷታል ብለዋል።   አሜሪካ በህዋ ኃይል (Space Force) አማካኝነት የሆርሙዝ ሰርጥን በእያንዳንዱ ኢንች በቅርበት እየተከታተለች መሆኑን የጠቀሱት ትራምፕ፣ የፒክአክስ ተራራን (Pickaxe Mountain) ጨምሮ ቀደም ሲል የወደሙትን ሶስት የኒውክሌር ጣቢያዎች በተመሳሳይ ሁኔታ እየተከታተሉ እንደሚገኙ አስታውቀዋል።   አሜሪካ በሰርጡ ውስጥ ምንም ዓይነት አዲስ የባህር ፈንጂ የመቅበር እንቅስቃሴን በፍጹም የማትታገስ መሆኗን እና ይህ አቋሟ በአሁኑ ወቅት በሙሉ ጥንካሬ ወደ ተግባር መግባቱን አስምረውበታል።